- 764 -

1452. Aug. 13. Schweidnitz.

Petrus von gotis gnaden bisschoff zcu Breslow.

Vnsir vrandschafft vnd vrundliche dinste zcuuor. Edeler herre, erbern, weisen lieben frunde, als wir denne czwisschen dem hochgeboren fursten herczoge Johansen von Haynaw etc. an eymen vnd euch am andern teilen wi vfte vns fleissig gemwit haben die sachen czwusschen euch beyden in bessere wege brengen, wenne sy noch seyn vnd sint alhi zeur Sweidnicz beyenandir vnd ratis worden, das wir vns noch mey¬nen abir dorynne fleissigen vnd vorsuchen sottane krige in vffhoren brengen, douon wir euch bitten vns also gonnen dorynne reden vnd teidigen vns das zcu schreiben vnd die gleitten, die denne von vns doczu geschickt werden iczundir von dem tage zcur Sweidnicz, wenne wir Petrus bisschoff & vud wir andern merglichen vnsir vrund doczu schaffen wellin, wellin wir vmbe euch vorschulden vnd wir vrundlichen vordienen, vnd begern d. . . . ewer gleitte gebin wellit, in ewerm vffenem briffe vnd sigiln, vns Petro bisschoff vnd .......... von Coldicz vnd allen andern von dem bunde Sweidnicz, Jawer, Breslow & vnd .............. dy mit en reiten vnd czien, also das sy wol dorynne bewart sein vnd begern e(wer) antwert. Gebin zur Sweidnicz am Sontage vor assumcionis anno etc. LII°.
Manschaft vnd stete des bundis der furstenthume Sweidnicz, Jawer, Breslow etc. zo vil vnsir iczund vf dem tage czur Sweidnicz sein.

Rückaufschrift: Dem edeln herren, herren Reimprechten von Ebirsdorff obersten cammerer in Osterreich etc. den erbarn weisen rathman¬nen der stat Legnicz.

Orig. Kgl. Bibl. z. Berl. Ms. Boruss. f. 567. No. 72.

Urkunden-Buch der Stadt Liegnitz und ihres Weichbildes bis zum Jahre 1455 - Herausgegeben dr Friedrich Wilhelm Schirrmacher - Liegnitz 1866